Эрлийзүүдийн Түмэн эхээ гэж...

Хавар болгон   “Ирээдүйн түмэн эх” нэртэй  1000$-ын бооцоот дааганы уралдааныг хэсэг нөхөд зохион байгуулдаг болсоор хэдэн жил  болж байгаа билээ. Энэ нь угтаа монгол адууг  хонь үхэрт эргүүлэхэд унадаг “хямдхан” амьтнаар төсөөлж явдаг  хөрөнгөлөгчүүдийн “уран бүтээл” юм. Энэ уралдаан чухамдаа  монгол адууг   эрлийзээр   сольж өөрчлөх  зорилготой, бодлогоор явуулж байгаа ажил гэнэ. 2012 оны 5-р сард болсон ээлжит уралдаанд хөдөөний уяач хотын  хөрөнгөлөг эрийн  магтаж бэлгэнд өгсөн  эрлийз даагыг  уралдахаар Хүй долоон худагт очжээ.Том ланд машинтангууд давхилдан эрлийз дааганууд уралдаж дуусав. 
Тэгтэл үзээгүй юмаа үзэж үхэр цам харайсан явдал болжээ. Даага цоллохыг хүлээн зогстол  тэнтгэр том биетэй орос хувцастай нөхөр ногттой гүү зайдан уначихсан даага цоллоно гээд зогсч байна гэнэ. Хөдөөний уяач  санаа нь зовоод тэсэлгүй “ монголын сор болсон морины төлөө бүх юмаа зориулдаг, зүтгэдэг хөрөнгө мөнгөтэй манай сайхан хүмүүс баймаар. Энэ уралдаан чинь интернет мэдээллийн хэрэгслээр дэлхийд цацагддаг гэсэн. Монгол үндэсний уламжлалт соёл маань   зайдан хүн ногттой гүү унаад  цоллож байх чинь юу болж байна вэ? Арай ч дээ” гэж хэлж.  Тэгтэл жаахан зовов бололтой гүүнээсээ бууж байна гэнэ.  Нэг харсан чинь нэг гартаа эрлийз даагаа, нөгөө гартаа ногттой гүүгээ бариад зогсчихсон “Бүгэээд найрамдах” гээд хашгирч байж. Үнэхээр шившигтэй юм үзсэн хэрэг.  Хөдөөний уяач нутагтаа ирээд “Монгол адуучгүй, монгол хүн ч үгүй болж байгаа юм байна. Дахин ийм юманд очихгүй гэж үгээ барсаар ирж билээ. 
 
2012.10.10
Н.Санжаадорж