Сүхбаатарт сорилго уралдаан боллоо

Хурдны өлгий нутгийн хийморилог уяачид луу жилийн отгон уралдаалгаа хийлээ. Энэ сарын 17-нд болох аймгийн аварга хүлэг шалгаруулах уламжлалт дээд гурван насны морьдын уралдааны сорилго болсон бооцоот уралдаан Баруун-Урт хотноо өнөөдөр /2-р сарын 8-нд/ болжээ.

Азарга: 30-аад
1.Баруун-Урт сумын уугуул Баттөрийн халтар. Халтар азарга соёолондоо “Дүнжингаравын хурд” хаврын бүсийн уралдаанд зургаалж, 2012 онд Сүхбаатарын аварга хүлэг шалгаруулах уралдаанд аман хүзүүдэж байсан юм.
2.Асгат сумын уугуул, МУ-ын Алдарт уяач Сэргэлэнбаатарын Ядаргаа хээр. Хээр азарга 2011 онд Багануурт болсон өвлийн уралдаанд түрүүлж байсан аж.
3.Асгат сумын уугуул Гэрэлбадрахын бор
4.Эрдэнэцагаан сумын уугуул Батжаргалын хар. Хар үрээ 2012 онд Дорнод аймгийн морин спорт уяачдын холбооны 15 жилийн ойн наадамд түрүүлж байсан юм.
5.Баруун-Урт сумын уугуул Лувсандоржийн хонгор
Их нас: 40-өөд
1.Уулбаян сумын уугуул Батсүрэнгийн хээр. Хээр үрээ 2012 онд Дорнод аймгийн Хөлөнбуйр сумын наадамд түрүүлж байсан.
2.Баруун-Урт сумын уугуул Лхагвын хонгор. Хонгор морь 2012 онд Сүхбаатар сумын Дарханхаан уулын тахилганд айрагдаж байсан.
3.Баярхүүгийн хээр
4.Уулбаян сумын уугуул, аймгийн Алдарт уяач Шижирбаатарын хүрэн
5.Баруун-Урт сумын уугуул Гэрэлт-Одын хээр. Хээр үрээ 2012 онд Сүхбаатар сумын Дарханхаан уулын тахилга наадамд айргийн дөрөвт хурдалж байсан билээ.
Соёолон: 50 гаруй
1.Халзан сумын уугуул луу жилд аймгийн Алдарт уяач цолны болзлыг хангаад буй  Золжаргалын хээр
2.Халзан сумын уугуул МУ-ын Алдарт уяач У.Эрдэнэбилэгийн хүрэн
3.Эрдэнэцагаан сумын уугуул Мөнх-Эрдэнийн халиун. Могой жилийн босгон аймгийн Алдарт уяач цолны болзол хангаад буй Мөнх-Эрдэнийн халиун үрээ 2011 онд Хөвсгөл аймгийн 80 жилийн ойн баяр наадамд аман хүзүүдэн, 2012 онд аймгийн аварга хүлэг шалгаруулах уралдаанд түрүүлж, зүүн бүсийн даншиг наадамд дөрвөлсөн хурдан буян юм.
4.Халзан сумын уугуул, аймгийн Алдарт уяач Адъяахүүгийн хар
5.Баруун-Урт сумын уугуул Баттөрийн хээр тус тус хурдалжээ.
                                                                                                                                             А.Мөнх-Эрдэнэ