Дорнод аймгийн баяр наадмын хурдан морины уралдаанаас

Дорнод аймгийн баяр наадмын хурдан морины уралдаан долоодугаар сарын 10-ны өглөө 06 цагт 130 их насны морь мордсоноор эхэлсэн юм. Үүнээс: 
1. Чойбалсан сумын аймгийн Алдарт уяач Б.Бэх-хуягийн хонгор
2. Халхгол сумын уяач Л.Алтан-Гэрэлийн хонгор
3. Хэрлэн сумын аймгийн Алдарт уяач Ц.Эрдэнэ-Цогтын хонгор
4. Булган сумын уяач Н.Болдбаатарын Дүүрэн хонгор
5. Матад сумын Алдарт уяач Б.Зоригтбаатарын хонгор морьд түрүүлж айрагдсанаас Дорнын шаргал тал шигээ зөөлөн зүстэй 5 хонгор морьд хурдалсан нь нэгэн сонин түүх болон үлдлээ.
Харин  09 цагт 178 хурдан хязаалан уралдааны замд мордсоноос:
1. Хэрлэн сум аймгийн Алдарт уяач И.Намжилын борлог
2. Хэрлэн сумын аймгийн Алдарт уяач Ц.Эрдэнэ-Цогтын хүрэн
3. Цагаан-овоо сумын уяач Ч.Гантулгын хүрэн халзан
4. Баян-Уул сумын уяач Б.Баасанжаргалын хонгор
5. Хэрлэн сумын аймгийн Алдарт уяач Ц.Эрдэнэцогтын хүрэн тус тус хурдалжээ.
Үдийн 12 цагт энэ наадмын хамгийн олон 206 хурдан шүдлэн мордсоноос:
1. Халхгол сумын аймгийн Алдарт уяач Ж.Занданбалын хүү З.Хилийнхүүгийн загалт хул 
2. Чулуунхороот сумын уяач Т.Бадар-Ууганы хул
3. Баян-Уул сумын уяач Ц.Хүрэлчулууны хул
4. Баянтүмэн сумын уяач В.Ганцогтын зээрд
5. Булган сумын уяач Д.Золбоогийн хүрэн халзан хурдалж Халхгол сумын уяачид түрүү хүртснээр Монголын Морин спорт, уяачдын холбооны 2012 оны сумын шилдэг салбар холбооны шагналаа хул үрээгээ хол түрүүлгэж мялаасан сайхан үйл явдал боллоо.
Харин 15 цагт өхөөрдөм хөөрхөн 122 даага гарааны зурхайгаас нэгэн зэрэг эргэж:
1. Цагаан-Овоо сумын уяач Ц.Өлзийбаярын хул
2. Баян-Уул сумын уяач Ц.Цэндбаярын хүрэн халзан
3. Цагаан-Овоо сумын уяач Т.Жаргалсайханы харлаг
4. Сэргэлэн сумын аймгийн Алдарт уяач Н.Батжаргалын хүрэн
5. Баянтүмэн сумын уяач Г.Ганхуягийн халтар даага хурдалжээ.
Тэгвэл долоодугаар сарын 11-ний өглөө 07 цагт 119 азарга мордсоноос:
1. Цагаан-Овоо сумын аймгийн Алдарт уяач Ж.Цэрэндоржийн хүү Ц.Цэрэнтогтохын хар саарал
2. Сүхбаатар аймгийн Эрдэнэцагаан сумын уяач Г.Сүхбаатарын хар
3. Хэрлэн сумын аймгийн Алдарт уяач Р.Амарсанаагийн хонгор
4. Хэрлэн сумын уяач Д.Баатарын хүрэн
5. Цагаан-Овоо сум Ц.Цэрэнтогтохын хүрэн халзан тус тус хурдалжээ.
Харин 09 цагт 152 хурдан соёолон мордож:
1. Чулуунхороот сумын уяач Г.Бадрахын хүрэн
2. Чойбалсан сумын аймгийн Алдарт уяач Б.Бэххуягийн хонгор
3. Баян-Уул сумын уяач С.Хатанбаатарын хул
4. Баян-Уул сумын уяач Ш.Амартүвшингийн сарт хээр
5. Матад сумын уяач Б.Зоригтбаатарын хул хурдлав.
13 цагт шинэ цагийн монгол даага 18 мордсоноос:
1. Хэрлэн сумын аймгийн Алдарт уяач Ц.Эрдэнэцогтын хүрэн
2. Цагаан-Овоо сумын уяач Г.Хашдоржийн хул
3. Цагаан-Овоо сумын уяач Ц.Жаргалсайханы хээр
4. Чулуунхороот сумын уяач  С.Мөнхжаргалын хээр
5. Булган сумын аймгийн Алдарт уяач С.Итгэлийн хээр тус тус хурдалжээ.

Дорнод аймгийн МСУХ-ны нарийн бичгийн дарга Б.Батсайхан