Харваач Санжаа Улсын мэргэн цол хүртсэн АХ-ын 15 жилийн ойн баяр наадам

Улсын их баяр наадмаар анх удаа зохиогдсон Монголын биеийн тамирчдын жагсаалд хотын залуучууд, цэргийн албан хаагчид, аж үйлдвэрийн комбинатын ажилчид, Дотоод яамны тусгай хорооныхон, пионер сурагчдын нийт 1000 гаруй тамирчин оролцжээ. Мөнхүү 20 хүн парашютаар буухыг хөдөлмөрчдөд үзүүлжээ.
...-Яармагийн дэнж алаг майхнаар дүүрэн, яг магнаг шиг харагдаж байлаа. Хөдөө нутагтнэрийг нь дуулах төдий явсан нам засгийн удирдагч Амар, Гэндэн, Лосол, Догсом, Чойбалсан нарыг ойролцоох нь хүрээд ирэхэд хүнээр заалгаж нэг нэгэнгүй харж билээ. Цөм тэрлэгтэй, бүгд нүүрийн баясгалантай, хүн хүнтэй гар барьж мэндэлсэн хүмүүс байж билээ. Харин Дэмид жанжин л маршал хувцастайгаа хүнтэй мэндлэхдээ ёслоод гар бариад, дахиад ёсолдог их л содон сонин санагдаж байлаа. Наадам эхлэх цаг болоход голын индрийн чанх урдаас зүүн, баруун хоёр майхны хоорондуур барилдахаар ирсэн бөхчүүд дэвэн гарч, хөгжим уянгалж, олон бөхийн дэвээ гэдэг чинь далай давалгаалж байгаа ч юм шиг, тариа найгаж байгаа ч юм шиг ихэд соон үлджээ. Хувьсгалын 15 жилийн ой болоод ч тэр үү, 1024 бөх барилдаж, долоо хоног наадаж билээ... гэж улсын арслан С.Самданжигмэд дурссан байдаг. Энэ жилийн наадамд "Хумбаан хар" хэмээх Л.Балсан заан 10 давж түрүүлж улсын арслан цол хүртжээ. "Мөнгөнморьт"-ын хэмээх Л.Чимэд арслан үзүүрлэжээ.
Хурдан мориын уралдааны азарганд Д.Батбуян /Төв. Баянцагаан/-гийн хонгор халзан, их насанд У.Хайнзан /Дундговь.Дэрэн/-гийн халиун, соёолон болон шүдлэнд Содов /Хэнтий.Идэрмэг/-ын хүрэн, хонгор тус тус, хязааланд Ванжил /Төв.Сэргэлэн/-ын буурал түрүү магнай болж торгон жолоо өргүүлжээ.
Үндэсний сурын харваа:
1. н.Санжаа /Хэнтий/-19
2. н.Цэрэндорж /Дорнод/-19
3.Г.Дэмчиг /Дорнод/
4.н.Пунцагцэрэн
5.н.Тожилсүрэн /Хэнтий/
1936 онд буюу АХ-ын 15 жилийн ойн Улсын их баяр наадмын сурын харваанд Хэнтий аймгийн Баян-Адарга сумын уугуул Санжаа 19 онож түрүүлэн Улсын мэргэн цол хүртжээ.
Анианханы Хүрэн-Алагийн Отгонбаяр