Ц.Дашдондог агсны нэрэмжит уралдаан боллоо

6-р сарын 8-нд Сүхбаатар аймгийн Асгат сумнаа их нас, соёолон,хязаалан насны морьдын уралдаан боллоо. Аймгийн Алдарт уяач Цэрэнгийн Дашдондог агсны нэрэмжит их насны  морьдын уралдаан энэ жил гурав дахь жилдээ зохион байгуулагдаж буй бөгөөд харин соёолон, хязаалангийн уралдааныг Асгат сумын "Зээрд адуу" МСУХ зохион байгуулдаг юм.
Ц.Дашдондог агсны нэрэмжит их насны морьдын уралдаанд энэ удаа 92 хурдан хүлэг шандас шалгаж:
1. Асгат сумын харьяат Баттүвшингийн хар
2.  Асгат сумын харьяат Энхболдын хээр
3. Асгат сумын харьяат сумын Алдарт уяач Дондогийн бор. Бор морь өнгөрсөн жил сумынхаа баяр наадамд түрүүлж байсан хурдан хүлэг юм.
4.  Асгат сумын харьяат, аймгийн Алдарт уяач Мажигсүрэнгийн хонгор
5.  Асгат сумын харьяат Ганзоригийн хонгор
Харин соёолон насны морьдын уралдаанд 60-аад  хурдан хүлэг тоосоо өргөснөөс
1.Асгат сумын харьяат, сумын МСУХ-ны тэргүүн Батхолбоогийн Ембүү хар
2.  Асгат сумын харьяат, сумын Алдарт уяач Батбаярын хүрэн
3. Асгат сумын харьяат, сумын Алдарт уяач Моононсүхийн шарга
4.  Асгат сумын харьяат, сумын Алдарт уяач Пүрэвийн хонгор
5.  Асгат сумын харьяат, сумын Алдарт уяач Цогтбаатарын хар
Хязаалангийн уралдаанд 94 үрээ мордож:
1. Асгат сумын харьяат, сумын  Алдарт уяач Батдэлгэрийн хүрэн
2. Асгат сумын харьяат, аймгийн Алдарт уяач Эрдэнэсүрэнгийн хүрэн
3. Баруун-Урт сумын харьяат Тэгшжаргалын хүрэн
4. Асгат сумын харьяат, сумын Засаг дарга, сумын Алдарт уяач  Батнацагийн саарал
5. Онгон сумын харьяат Хүрэлбаатарын хар тус тус түрүүлж айрагдсан юм.
Мэдээллийг: Асгат сумын "Зээрд адуу" МСУХ-ны тэргүүн Г.Батхолбоо