Өвөрхангайд хурц арслан төрлөө

Өвөрхангай аймгийн наадам өнөр өтгөн болжээ. У.ө.и.н Ш.Батхуяг, у.н Д.Пүрэвсүрэн, С.Мандах, у.н Л.Наранбаатар, Р.Ганхуяг нарын улсын цолтнууд, С.Мөнхнасан, Д.Цэвэлсодном, Т.Мягмарсүрэн, Ж.Наранбаатар нарын олон арслангууд зодоглосон байна. Энэ наадамд өнгөрсөн жилийн түрүү бөх Даваахүүгийн Цэвэлсодном арслан босоо байж хурц арслан болжээ. Есөнзүйлийн Дашнямын Мөнхболд харцага тун өнгөтэй сайхан барилдаж аймгийн заан цолд хүрсэн байна. Их шөвөгт Гучин-Усын Батжаргал, Есөнзүйлийн Оргодолын Үйтүмэн нар шалгарч аймгийн харцага цол хүртжээ. Бөхийн мундаг удамтай, Бүрдний Сандагдоржийн Галданцогт авга ах С.Мандах начнаар тав давж начин цолд хүрсэн бол Лутын Батзориг заан Төрбатын Ядамсүрэнгээр тав давсан ч Дашнямын Мөнхболдод сонгосон барьцнаас зүүн хутгуулж, өнгөрсөн жилийн үзүүр Мөнхбатын Даваасүрэн Отгонсүрэнгийн Цээбалдовжиртой тунаж тав давсан хэдий ч Оргодолын Үйтүмэнд хөлөө алдаж тус тус унаж заан цолдоо чимэг нэмсэн байна. Мөн Баян-Өндөрийн Баясгалангийн Батжаргал харцага Жаалаагийн Наранбаатар арслангаар 5 давж зургаагийн даваанд амидаадаа унаж чимэг аймгийн наадамд 2 дахь удаагаа тав давжээ. Цолд хүрэх боломжтой залуусаас Богдын Энхчулуун 3-ын даваанд Нарийнтээлийн Баяртогтохын Мөнх-Өрнөхөд унаж, Мөнх-Өрнөх нь 4-ийн нугалаанд түрүү бөхөд шороодсон байна. Мөн Тарагтын Бямбадоньд шинэ харцага Үйтүмэнтэй 3-ын даваанд тунаж барилдаад унажээ. Оюунгэрэлийн Бундхорол 4-ийн оноолтод Төрбатын Ядамсүрэнд унасан бол Гомбодоржийн Цэнддорж Лутын Батзоригт 4-ийн нугалаанд унасан байна.
Тавын даваа
1. Ш.Батхуяг у.ө.и.н – Ц.Батжаргал с.з
2. Д.Пүрэвсүрэн у.н – О.Үйтүмэн с.з
3. С.Мандах у.н – С.Галданцогт с.з
4. Т.Мягмарсүрэн а.а – Д.Мөнхболд а.х
5. Д.Цэвэлсодном а.а – Д.Дарханбаатар а.з
6. Ж.Наранбаатар а.а – Б.Батжаргал а.х
7. Л.Батзориг а.з – Т.Ядамсүрэн а.н.н
8. М.Даваасүрэн а.з – О.Цээбалдовжир а.н
Зургаагийн даваа
1. Д.Цэвэлсодном а.а – С.Галданцогт с.з
2. Л.Батзориг а.з – Д.Мөнхболд а.х
3. М.Даваасүрэн а.з – О.Үйтүмэн с.з
4. Б.Батжаргал а.х – Ц.Батжаргал с.з
Долоогийн даваа
1. Д.Цэвэлсодном а.а – Ц.Батжаргал с.з
2. Д.Мөнхболд а.х – О.Үйтүмэн с.з
Наймын даваа
1. Д.Цэвэлсодном а.а – Д.Мөнхболд а.х
Т.Түмэндэмбэрэл