Орхонд Ховдынхон манлайллаа

Орхон аймгийн баяр наадамд газар газрын хүчтэнүүд цугларч у.х Н.Саранцогт, Г.Батбаяр, у.н Т.Энхтуяа нараар манлайлуулсан хүчит  бөх барилджээ. Энэ наадмын урдхан болсон Ховд аймгийнхаа наадамд үзүүрлэсэн шинэхэн заан Баярхүүгийн Бат-Өлзий бяр хүчээр ааглан барилдаж түрүүлсэн бол мөн Ховд аймгийн харьяат, аймгийн заан Доржсүрэнгийн Бадамгарав аргагүй их бяртайгаа харуулсан ч Бат-Өлзийд шороодож заан цолоо баталсан байна. Их шөвөгт Архангай аймгийн Эрдэнэбулган сумын харьяат аймгийн начин Юрагийн Пүрэвжаргал, Говь-Алтай аймгийн Бугат сумын харьяат сумын заан Ичинхорлоогийн Жүгдэрнамжил нар шалгарч аймгийн харцага цолд хүрчээ. Мөн Дорнодын Мөнхжаргалын Билгүүдэй, Эрдэнэтийн Жавхлантамир, Говь-Алтайн Энхбаатар нар  давж начин цолд хүрсэн бол Даваанямын Хишигдаваа начин цолоо батлаад И.Жүгдэрнамжилд унасан байна. Булганы Батсүхийн Гантөмөр 5–ын даваанд Архангайн Юрагийн Пүрэвжаргалд, Архангайн Сайжийбамбуугийн Золбаяр 5-ын даваанд Дорнодын Мөнхжаргалын Билгүүдэйд, Баян-Өлгийн Баянжаргалын Төмөрбаатар 5-ын даваанд Баярхүүгийн Бат-Өлзийд, Дорнодын Шукрагийн Нямсайхан 4-ийн нугалаанд Булганы Батсүхийн Гантөмөрт, Хөвсгөлийн Болдбаатарын Ундрал   2-ын оноолтод Шукрагийн Нямсайханд, Архангайн Лхамсүрэнгийн Жамбал 5-ын даваанд Даваанямын Хишигдаваад, Болормаагийн Хүдэрчулуун Доржсүрэнгийн Бадамгаравт тус тус шороодсон байна.
Оноолтыг 5-ын даваанаас үзнэ үү.
Тавын даваа
1. Г.Батбаяр у.х – И.Жүгдэрнамжил с.з
2. Т.Энхтуяа у.н – Энхбаатар с.з
3. А.Сүмбээ а.а – Жавхлантамир с.з
4. Б.Гантөмөр а.з – Ю.Пүрэвжаргал а.н
5. Б.Бат-Өлзий а.з – Б.Төмөрбаатар а.х
6. Д.Бадамгарав а.з – Б.Хүдэрчулуун с.з
7. С.Золбаяр а.х – М.Билгүүдэй с.з
8. Д.Хишигдаваа а.н – Л.Жамбал с.з
Зургаагийн даваа
1. Б.Бат-Өлзий а.з – Жавхлантамир с.з
2. Д.Бадамгарав а.з – Энхбаатар с.з
3. Д.Хишигдаваа а.н – И.Жүгдэрнамжил с.з
4. Ю.Пүрэвжаргал а.н – М.Билгүүдэй с.з
Долоогийн даваа
1. Б.Бат-Өлзий а.з – Ю.Пүрэвжаргал а.н
2. Д.Бадамгарав а.з – И.Жүгдэрнамжил а.з
Наймын даваа
1. Б.Бат-Өлзий а.з – Д.Бадамгарав а.з
Т.Түмэндэмбэрэл