Адуун хийморьтой АЛДАРТ УЯАЧ

Аймгийн Алдарт уяач Тогосын Сүхчулуун 1952 онд Хэнтий аймгийн Мөрөн сумын Бүрээт багийн нутагт төрж, Баянхутаг сумнаа бага сургууль төгсөж, нэгдэл нийгмийн үед адуу маллаж байжээ.  Талын салхи залгилан, таана хөмүүлийн тансаг үнэрт цэнгэж явсан тэрээр 1974 оноос хурдан хүлгийн уяа сойлго тааруулах болж,  Баянмөнх сумын Жигмэдээс авсан халиун азаргаа анх уяж хурдлуулжээ.
Улмаар 1978 оноос эхлэн уясан хүлгэд нь түрүүлж, айрагдан урмаар тэтгэх болсон агаад  морь уяж сойх эрдэмд шамдсан он жилүүддээ:
1978 онд хээр шүдлэн айргийн дөрөв
1978 онд өвлийн наадамд Өвгөн халиун аман хүзүү
1979 оны өвлийн наадамд Өвгөн халиун түрүү
1980 онд хязаалан хээр морь түрүү
1981 онд сургуулийн нээлтэнд зориулсан наадамд халиун даага айргийн тав
1982 онд соёолон улаан морь айргийн дөрөв
1983 онд аймгийн 60 жилийн ойн баяр наадамд Бага халиун 28-д
1983 оны хичээлийн шинэ жилийн нээлтийн наадамд Бага халиун түрүү
1984 онд АХ-ын 63 жилийн ойд халиун шүдлэн түрүү
1985 онд улаан морь айргийн дөрөв
1986 онд АХ-ын 65 жилийн ойгоор улаан морь аман хүзүү
1986 онд Дорноговь аймгийн Иххэт сумын 60 жилийн ойгоор улаан морь айргийн тав
1988 онд АХ-ын 67 жилийн ойгоор улаан морь түрүү
1989 онд АХ-ын 68 жилийн ойгоор халиун азарга түрүү
1989 онд АХ-ын 68 жилийн ойгоор улаан морь түрүү
1989 онд АХ-ын 68 жилийн ойгоор халтан соёолон аман хүзүү
1989 онд АХ-ын 68 жилийн ойгоор Ембүү хул хязаалан айргийн гурав
1989 онд Батлан хамгаалах туслах нийгэмлэгийн 60 жилийн ойгоор Ембүү хязаалан айргийн тав
1989 онд хичээлийн шинэ жилийн нээлтэнд хүрэн даага айргийн дөрөв, Цагаан сарын өвлийн наадамд аман хүзүү
1990 онд МНТ-ны 750 жилийн ойд хул соёолон 40-д
1990 оны Цагаан сарын наадмаар халиун азарга айргийн гурав
1991 онд Байлуу хээр даага айргийн тав
1992 онд эзэн Чингис хааны мэндэлсний 830 жилийн ойгоор халиун азарга 14, халиун соёолон 20-д
1992 онд Цагаан сарын наадмаар халиун азарга түрүү
1992 онд АХ-ын 71 жилийн ойгоор халиун азарга түрүү
1993 онд АХ-ын 72 жилийн ойгоор халиун азарга түрүү, өвлийн Цагаан сарын наадамд аман хүзүү
1995 онд уулын тахилга наадамд хул морь аман хүзүү
1995 онд сумын наадамд халиун азарга айргийн тав
1996 онд АХ-ын 75 жилийн ойгоор Байлуу хязаалан айргийн дөрөв
1996 онд Байлуу соёолон айргийн тав
1997 онд Байлуу соёолон түрүү
1997 онд Бага халиун азарга айргийн гурав
1998 онд халиун морь аман хүзүү
1998 онд халиун азарга айргийн дөрөв
1999 онд халиун морь уулын тахилга наадамд айргийн дөрөв
1999 онд өвлийн наадамд улаан морь айргийн дөрөв
2000 онд “Морин эрдэнэ-2000” зүүн бүсийн наадамд Байлуу хээр 40-д
2000 онд АХ-ын 79 жилийн ойгоор Байлуур хээр айргийн дөрөвт тус тус хурдалж байжээ.
Морь уях төрийн их хэрэгт шимтсэн түүний хөдөлмөрийг үнэлж 1992 онд Батлан хамгаалах туслах нийгэмлэгээс аймгийн Аварга уяач цолыг хүртээсэн бөгөөд Ардын хувьсгалын 60, 70 жилийн ойн медалиар шагнагдахын зэрэгцээ сумын аварга малчнаар шалгарч байсан юм.

"Тод магнай" сэтгүүл. Хэнтий аймгийн тусгай дугаар. 2015 он