П.Дэлгэрнарангийн бор халзан

Хөвсгөл аймгийн Цэцэрлэг сумын уугуул, Авто тээврийн үндэсний төвийн дарга Пүрвээгийн Дэлгэрнарангийн Суман бор халзан шүдлэн АХ-ын 97 жилийн ой, Үндэсний их баяр наадамд 16-аар хурдалж, хэдхэн хоногийн дараа Дорноговь аймагт болсон говийн бүсийн уралдаанд хадуурсаар байгаад 12-т давхисан хурдан ажнай юм. Энэ амжилтаараа Хөвсгөл аймгийн 2018 оны чансаа өндөр морьдын бага насны ангилалд эрэмбэлэгдэн шалгараад буй. 
Хоймор нутгаар овоглосон энэ цагийн идэрхэн хүлэг болох бор халзан үрээ нь дааган цагаасаа хойш зөвхөн улс, бүсийн наадмуудад 10 дотор гурван удаа давхиж, аймгийн чанартай бүсийн наадмуудаас гурван түрүү, гурван айраг хүртээд байна. 

УДАМ, УГШИЛ:
Эцэг: Сүхбаатар аймгийн Халзан сумын харьяат, аймгийн Алдарт уяачс Рагчаагийн Мөнхтөрийн хар азарга /Зүүн бүсийн түрүү, Улсын баяр наадмын айргийн гуравт хурдалж байсан / 
Эх: Төв аймгийн Баянцагаан сумын  уугуул, Тод манлай уяач Д. Даваахүүгийн хөх цавьдар азарганы төл борлог гүү  
АМЖИЛТЫН ТОВЧООН:
2017 онд даага: 
- Өмнөговь аймгийн төвийн бүсийн уралдаанд аман хүзүү 
- Ардын хувьсгалын 96 жилийн ой, Үндэсний их баяр наадамд ес
- Засгийн газрын тогтоолтой “Хангарьд” төвий бүсийн уралдаанд долоо
- Завхан айгийн өмнөд бүс, Отгон сумын баяр наадамд түрүү 
- Ялгуусан хутагтын Бат оршил өргөх даншиг наадамд айргийн гурав 
- Өмнөговь аймгийн Ханхонгор суманд болсон наадамд түрүү 
2018 онд шүдлэн:
- Дорноговь аймагт болсон хаврын бүсийн уралдаанд түрүү 
- Ардын хувьсгалын 97 жил, Үндэсний их баяр наадамд 17 
- Ноён хутагт Данзанравжаагийн мэлмий гийсний 215 жил, Засгийн газрын тогтоолтой говийн бүсийн уралдаанд дээгүүр зарлагдаж байгаад /хүүхэд нь унаад/ 12-т 
- Дорноговь аймгийн Даланжаргалан суманд болсон өндөр бооцоот уралдаанд түрүү 
- Сүхбаатар аймгийн Биеийн тамир, спортын байгууллага үүсч хөгжсөний 70 жилийн ойн наадамд түрүү магнай болж тус тус хурдлаад байна.

У.Энхмаа