Хойд хөршөөс 1250 адуу импортолжээ

Хойд хөршийн морины экспортын талаарх зарим сонирхолтой баримтуудыг дурдъя.

· ОХУ-ын гаалийн албаны мэдээгээр сүүлийн гурван жилийн дотор Орос руу импортолсон морьдын тоо толгой нь экспортлосноос хоёр дахин их байсаар иржээ.

· Рублийн ханш сулрахыг дагаад гадаадаас ОХУ руу оруулж ирдэг адууны тоо толгой 28 хувиар буурсан байна.

· 2016-2017 онуудад импортоор оруулж ирсэн нэг адууны үнэ дунджаар 2200-2900 доллар байсан бол 2018-2019 онуудад 8250 доллар болж өсчээ.

· Орос руу хамгийн олон цэвэр цусны адуу экспортолсон улс нь Абхази байсан. Абхазаас Орос руу гурван жилийн дотор 483 адуу оруулж ирсэн бол АНУ-аас 275, Их Британи ба Ирланд улсаас 114 толгой адууг оруулж ирсэн байна.

· Эрлийз адууны морин спортын чиглэлээр Германаас 276, Нидерландаас 214 адуу оруулж ирсэн. Гэхдээ Беларус улсаас хамгийн олон буюу 888 адууг гурван жилийн дотор оруулж ирсэн байна. Беларус нь эрлийз адууны олон жүчээтэйдээ ингэж олон адууг Орос руу экспортолдог юм биш гэдгийг онцлох хэрэгтэй. Беларус нь ОХУ-ын статустай, хил гаалийн гэх мэт нэмэлт хураамжаас чөлөөлөгддөг тул хурдан морины диллерүүд  бусад орноос оруулж ирсэн морьдыг Беларуст бүртгүүлээд дараа нь Орос руу оруулж ирдэг аж.

· Харин Оросоос хурдан морь хамгийн их худалдаж авсан орнууд бүгд Ази тивд байрладаг. Оросууд Хятад руу 281, Казахстан руу 307, Киргиз рүү 115, Узбекистан руу 62 адуу тус тус экспортолсон.

· Монгол руу хамгийн их буюу 1250 адуу экспортолжээ. Монгол руу дийлэнхдээ нутгийн уугуул үүлдрийн адууг экспортолдог онцлогтой гэсэн байна.

· Монгол руу эскпортолсон адууг дунджаар 430 доллароор гаргадаг.

· АНУ-аас Орос руу оруулж ирсэн нэг адууг дунджаар 27,1 мянган доллароор үнэлэн оруулж ирсэн бол Германаас оруулж ирсэн эрлийз адууг дунджаар 12  мянган доллароор үнэлжээ.

Б.Бадрал