Уралдаанч О.Өсөхбаяр: Улсын наадмаас анхны айргаа авлаа

Тулгар төрийн 2229, Их Монгол Улс байгуулагдсаны 814, Үндэсний эрх чөлөө, тусгаар тогтнолоо сэргээн мандуулсны 109, Ардын хувьсгалын 99 жилийн ой, Үндэсний их баяр наадамд Говь-Алтай аймгийн Дарви сумын уугуул Ц.Гончигсүрэнгийн хээр даагыг 388 дугаартай, 10 настай уралдаанч О.Өсөхбаяр унаж хурдлуулсан юм. 

-Баяр хүргэе. Баяр наадмынхаа сэтгэгдлээс хуваалцана уу?
-Баярлалаа. Сэтгэл их өндөр байна. 
-Хэд дэх жилдээ морь унаж байгаа юм бэ?
-Гурав дахь жилдээ морь унаж байна. Тэгээд нэг удаа Эрдэнэтэд дөрөвлөж, Жаргалантад бас нэг тавласан. Түүний дараа энэ амжилт маань бичигдэнэ. Улсын наадмаас анхны айргаа авлаа. 
-Өчигдөр морь унаа юу?
-Өчигдөр морь унасан ч сайн юм болоогүй ээ. Нэг нь 50-иар орж, нөгөө дөх нь хасагдсан. 
-Энэ жилийн наадам ямар санагдаж байна. 
-Үзэгчгүй болохоор жоохон онцгүй л юм. Гэхдээ бас нам гүм болохоор гоё ч юм шиг. Намайг уяач ах дуудаж байна. 
-За, тэгвэл маргаашийн уралдаанд нь амжилт хүсье. 

П.Ундраа