Тод манлай уяач Туваанжавын Гантөмөр: Хүн бүр морь уяж чадна. Харин цөөхөн нь зөв уяж чадна

Говь-Алтай аймгийн Халиун сумын уугуул, Аж үйлдвэрийн гавьяат ажилтан,  Тод манлай уяач 

-Хүн бүр морь уяж чадна. Харин цөөхөн нь зөв уяж чадна.

-Уяач болгон л төрийн наадамд морь түрүүлгэж, айрагдуулах хүсэлтэй явдаг. Тэр хүслээ гүйцээж, зорилгодоо  хүрэх шиг баяр баясал хаа байхав.

-Морин уралдаан идэвхжсэн өнөө цагт унаган морио /их насны/ улсын наадамд айрагдуулна гэдэг хүнд болж. 

-Сунгаанд хэдээр давхиж байгаагаар нь бус, мориныхоо ерөнхий байдлыг харж хийх ажлаа төлөвлө.

-Адууг хурдлуулах гэж үржүүлж байгаа учир эрлийзжүүлэхээс өөр аргагүй.

-Тэсвэр тэвчээрийн тухайд монгол адуунаас илүү гарах мал үгүй.

-Аавынхаа үйл хэргийг үргэлжлүүлж, олон жил морь уясныхаа үр дүнг одооноос амсаж байна.

-Уяач хүн морио айрагдуулчихаад хамгийн эрхэм хүнээ санагалздаг.  Миний хувьд тэр хүн бол аав минь.

"Тод ишлэл" номноос...