Баянхонгорын бүсэд эхний 10-т хурдалсан дааганууд

Бүсийн уралдааны цуврал танилцуулгын өнөөдрийн дугаарт Баянхонгор аймгийн 80 жилийн ой, хангайн бүсийн уралдааны дааганы уралдааныг сонгон  эхний 10-т хурдалсан үрээнүүдийг танилцуулж байна. 

1.Өвөрхангай аймгийн Уянга сумын уугуул, аймгийн Алдарт уяач Баатарын Шийлэгдоржийн бүүдэн. Өвөрхангай аймагт болсон хангайн бүсийн уралдаанд зургаад хурдалсан бүүдэн дааганы уяа сойлгыг Тод манлай уяач Ононгийн Батбилэг тааруулдаг бөгөөд Д.Төгөлдөр хүү унаж түрүүлгэжээ.

2.Орхон аймгийн Баян-Өндөр сумын харьяат Цэдэндамбын Эрдэнэбаярын хүрэн. Улсын баяр наадамд таваар давхиж, Өвөрхангайн бүсэд аман хүзүүдсэн хүрэн даагыг аймгийн Алдарт уяач Доржийн Цэлхаасүрэн уяаг нь тааруулдаг бөгөөд 10 настай Мөнхзулын Адистаа хүү унаж хурдлуулжээ. Ийнхүү М.Адистаа өнөө жил хүрэн даага гурван том наадамд айрагдуулсан байна.

3.Говь-Алтай аймгийн Эрдэнэ сумын уугуул Бэгзсүрэнгийн Гантулгын хээр. Дорнод аймгийн Халхгол сумын гаралтай хээр дааганы уяа сойлгыг Батсүхийн Батмагнай тааруулж, Эрдэнэбаярын Дашням хүү унаж айрагдуулжээ.

4.Дорноговь аймгийн Эрдэнэ сумын уугуул Гэрэлээгийн Батсайханы хүрэн халзан. Уралдаанч Т.Санчир.

5.Архангай аймгийн Тариат сумын харьяат Төмөрбаатарын Оргил-Эрдэнийн бор алаг. Гурав айрагдсан алаг дааганы уяа сойлгыг аймгийн Алдарт уяач Шаравжамцын Бадамжунай тааруулдаг бөгөөд Баттогтохын Батболд хүү унаж хурдлуулжээ.

6.Баянхонгор аймгийн Богд сумын харьяат аймгийн Алдарт уяач Чагнаадоржийн Билигбаатарын халиун. Уяа сойлгыг аймгийн Алдарт уяач Энхбаярын Ууганбилэг тааруулж, Ган-Эрдэнийн Мөнгөншагай хүү унаж хурдлуулжээ.

7.Улаанбаатар хотын Хан-Уул дүүргийн харьяат Ганбаатарын Хишигбатын хээр. Уяа сойлгыг аймгийн Алдарт уяач Тогтохбаярын Тогтохжаргал. Уралдаанч Чулуунбямбын Тэнгис.

8.Өвөрхангай аймгийн Хархорин сумын харьяат, аймгийн Алдарт уяач Хаянхярваан Гарьдмагнайн хар халзан. Өвөрхангай аймгийн 90 жилийн ой, хангайн бүсийн уралдаанд таваар давхисан халзан дааганы уяа сойлгыг аймгийн Алдарт уяач Тогтохбаярын Тогтохжаргал тааруулдаг бөгөөд Алтансүхийн Ууганбаатар хүү унаж хурдлуулжээ.

9.Хэнтий аймгийн Хэрлэн сумын харьяат, Дашнямын Хатанбаатарын сартай хар. Аймагт нэг айрагдаж, суманд түрүүлсэн хар дааганы уяа сойлгыг Дашдэндэвийн Батцэнгэл уяач тааруулж, Цэрэгээгийн Дорждагва хүү унаж айрагдуулжээ.

10.Баянхонгор аймгийн Баян-Овоо сумын харьяат Цамбын Отгонбаярын халтар. Уяа сойлгыг Батсайханы Дорж тааруулж, Наранзулын Ган-Эрдэнэ хүү унаж хурдлуулжээ.

Б.Хастөр