Баруун бүсэд Гоё хээр азарга түрүүллээ

Цаст Очирваань хайрхандаа ивээгдсэн Завхан аймгийн түүхт 100 жилийн ой баруун бүсийн уралдааны хоёр дахь өдөр азарганы уралдаанаар эхэллээ. Монгол төрийн наадам хийгээд улсын бүсийн уралдаанд түрүүлж, айрагдсан хурдан хүлгүүд шандас шалгаж гал гарсан өрсөлдөөнийг үзүүлж чадлаа. Ингээд эхний аравт хурдалсан хүлгүүдийг танилцуулъя. 

Азарга-105:

1.Увс аймгийн Зүүнговь сумын уугуул МУ-ын Алдарт уяач Бадарчийн Норовсамбуугийн Гоё хээр. Уяа сойлгыг аймгийн Алдарт уяач Уртнасангийн Тамир. Уралдаанч Ганбатын Энх-Эрдэнэ. Хээр азарга хэдхэн хоногийн өмнө төрийнхөө их баяр цэнгэл наадамд түрүү магнайд хурдалсан.

2.Хөвсгөл аймгийн Мөрөн сумын уугуул Дорждалайн Даяндэмидийн Цоглог халтар. Уяа сойлгыг нийслэлийн Алдарт уяач Батсайханы Пүрэв-Очир.

3.Завхан аймгийн Тосонцэнгэл сумын уугуул, Тод манлай уяач Төмөрбаатарын Галбадрахын бор. Уяа сойлгыг МУ-ын Алдарт уяач Мягмарсүрэнгийн Алтан-Очир.

4.Орхон аймгийн Баян-Өндөр сумын харьяат, аймгийн Алдарт уяач  Равжирын Мягмдоржийн хамар цагаан зээрд. Уяа сойлгыг аймгийн Алдарт уяач Нямжавын Норовжамц.

5. Завхан аймгийн Яруу сумын уугуул Тод манлай уяач Дашзэвэгийн Дагвадоржийн өсгий цагаан хүрэн. Уяа сойлгыг нийслэлийн Алдарт уяач Батсайханы Пүрэв-Очир.

6.Хөвсгөл аймгийн Мөрөн сумын уугуул Дорждалайн Даяндэмидийн Нарт хонгор.Уяа сойлгыг нийслэлийн Алдарт уяач Батсайханы Пүрэв-Очир. Хэдхэн хоногийн өмнө төрийнхөө их баяр цэнгэл наадамд аман хүзүүнд хурдалсан. 

7. Завхан аймгийн Тосонцэнгэл сумын уугуул, Тод манлай уяач Төмөрбаатарын Ууганбаярын Уулс хүрэн. Уяа сойлгыг МУ-ын Алдарт уяач Мягмарсүрэнгийн Алтан-Очир. Хэдхэн хоногийн өмнө төрийнхөө их баяр цэнгэлд айргийн гуравт хурдалсан. 

8.Завхан аймгийн Яруу сумын уугуул Тод манлай уяач Дашзэвэгийн Дагвадоржийн хүрэн. Уяа сойлгыг нийслэлийн Алдарт уяач Батсайханы Пүрэв-Очир.Хэдхэн хоногийн өмнө төрийнхөө их баяр цэнгэлд есөд хурдалсан. 

9.Хөвсгөл аймгийн Галт сумын харьяат Ишваанжилын Амарсанаагийн хүрэн. Хөвсгөл аймгийн Тосонцэнгэл сумын уугуул Гүнширийн Мөнгөнхуягийн унаган. Улсын бүсийн уралдаанд хоёр айрагдсан. 

10.Хөвсгөл аймгийн Шинэ-Идэр сумын харьяат Мишигийн Батсүхийн халзан. Улсын бүсийн уралдаанд гурав айрагдсан энэ хүлгийн уяа  сойлгыг аймгийн Алдарт уяач Оюунбилэгийн Баасанцэрэн уяач тааруулдаг юм. 

Б.Хастөр