​ Завхан аймгийн 100 жилийн ой, баруун бүсийн уралдаанд эхний 20-д хурдалсан азарганууд

1.Увс аймгийн Зүүнговь сумын уугуул МУ-ын Алдарт уяач Бадарчийн Норовсамбуугийн Гоё хээр. Улсын баяр наадам хийгээд, шигшмэл морьдын Их хурд уралдаануудад түрүүлж айрагдсан. Уяа сойлгыг Сүхбаатар аймгийн Баруун-Урт сумын харьяат аймгийн Алдарт уяач Уртнасангийн Тамир. Уралдаанч 11 настай Ганбатын Энх-Эрдэнэ.

2.Хөвсгөл аймгийн Мөрөн сумын уугуул Дорждалайн Даяндэмидийн Цоглог халтар. Уяа сойлгыг Хэнтий аймгийн Цэнхэрмандал сумын уугуул, нийслэлийн Алдарт уяач Батсайханы Пүрэв-Очир. Уралдаанч есөн настай Ганбаярын Тэмүүлэн. 

3.Улаанбаатар хотын Хан-Уул дүүргийн харьяат МУ-ын Алдарт уяач Мягмарсүрэнгийн Алтан-Очирын бор. Уяа сойлгыг өөрөө. Уралдаанч Б.Өсөх-Ирээдүй.

4. Орхон аймгийн Баян-Өндөр сумын харьяат, аймгийн Алдарт уяач  Равжирын Мягмдоржийн хамар цагаан хүрэн. Уяа сойлгыг аймгийн Алдарт уяач Нямжавын Норовжамц. Уралдаанч Ц.Болор-Эрдэнэ.

5. Хэнтий аймгийн Цэнхэрмандал сумын уугуул, нийслэлийн Алдарт уяач Батсайханы Пүрэв-Очирын Зандан хүрэн. Уяа сойлгыг өөрөө.  Уралдаанч 11 настай Мягмарын Дөлгөөнтамир.

6. Хөвсгөл аймгийн Мөрөн сумын уугуул Дорждалайн Даяндэмидийн Нарт хонгор. Улс, бүсийн чанартай уралдаанд нэг түрүүлж, хоёр айрагдсан.  Уяа сойлгыг Хэнтий аймгийн Цэнхэрмандал сумын уугуул, нийслэлийн Алдарт уяач Батсайханы Пүрэв-Очир. Уралдаанч есөн настай Ганбаярын Тэргэл.

7.Завхан аймгийн Тосонцэнгэл сумын уугуул Тод манлай уяач Төмөрбаатарын Ууганбаярын Уулс хүрэн. Тод манлай уяач Т.Галбадрахын унаган адуу. Улс, бүсийн уралдаанд нэг түрүүлж, тав айрагдсан. Уяа сойлгыг МУ-ын Алдарт уяач Мягмарсүрэнгийн Алтан-Очир. Уралдаанч Н.Билэгтсайхан.

8. Завхан аймгийн Яруу сумын уугуул Тод манлай уяач Дашзэвэгийн Дагвадоржийн Олимп хүрэн. Тод манлайн унаган адуу. Улсын бүсийн уралдаанд нэг айрагдсан. Уяа сойлгыг Хэнтий аймгийн Цэнхэрмандал сумын уугуул, нийслэлийн Алдарт уяач Батсайханы Пүрэв-Очир. Уралдаанч 10 настай Цэрэнбатын Баяржавхлан.

9.Хөвсгөл аймгийн Галт сумын уугуул Амарсанаагийн Түмэнбаярын хүрэн халзан. Аймгийн Алдарт уяач Сономын Гүнширийн унаган адуу. Улсын бүсийн уралдаанд хоёр айрагдсан. Уяа сойлгыг Хөвсгөл аймгийн Галт сумын уугуул аймгийн Алдарт уяач Ишваанжилын Амарсанаа. Уралдаанч 13 настай Баасандоржийн Доржнамжил.

10.Хөвсгөл аймгийн Шинэ-Идэр сумын уугуул, аймгийн Алдарт уяач Лааганы Төмөрбаатарын хүрэн халзан. Хөвсгөл аймгийн Тариалан сумын адуу. Аймгийн бүсийн уралдаанд гурав айрагдсан. Уяа сойлгыг Хөвсгөл аймгийн Тариалан сумын харьяат, аймгийн Алдарт уяач Оюунбилэгийн Баасанцэрэн. Уралдаанч есөн настай Үүрийнтуяагийн Мөнхсүлд.

11.Завхан аймгийн Их-Уул сумын харьяат сумын Алдарт уяач Ядамсүрэнгийн Отгонбаатарын сартай хул. Уяа сойлгыг өөрөө. Хул азарга Говь-Алтай аймгийн Бигэр сумын харьяат Түвшинжаргалын унаган адуу. Аймгийн наадам болон аймгийн бүсийн уралдаанд тус бүр  хоёр түрүүлсэн. Баруун бүсийн уралдаанаас өмнө Их-Уул сумын 100 жилийн ойд түрүүлж, Тэлмэн сумын 90 жилийн ойд айрагджээ.

12.Говь-Алтай аймгийн Баян-Уул сумын уугуул, МУ-ын Манлай уяач Дагвадоржийн Жамъянгийн халтар. Унаган адуу.Уяа сойлгыг Говь-Алтай аймгийн Баян-Уул сумын уугуул, МУ-ын Манлай уяач Пүрэвдоржийн Алтансүх. Уралдаанч 12 настай э.Бат-Эрдэнэ.

13.Орхон аймгийн Баян-Өндөр сумын харьяат Цэдэндамбын Эрдэнэбаярын хар. Өөрийн унаган адуу. Уяа сойлгыг Төв аймгийн Сэргэлэн сумын уугуул МУ-ын Манлай уяач Ононгийн Батболд. Уралдаанч 14 настай Ягаанбатын Тэнүүн.

14.Завхан аймгийн Эрдэнэхайрхан сумын харьяат Энхтуяагийн Маргад-Эрдэнийн саарал халзан. Аймгийн баяр наадмын гурван түрү, гурван айраг, аймгийн бүсийн уралдааны таван айрагтай. Уяа сойлгыг Завхан аймгийн Эрдэнэхайрхан сумын харьяат Энхтуяагийн Санчинбазар. Уралдаанч есөн настай Батзаяагийн Вангүр.

15.Хөвсгөл аймгийн Арбулаг сумын харьяат, аймгийн Алдарт уяач Гэндэнгийн Батсайханы хээр. Уралдаанч Я.Тэмүүн.

16. Говь-Алтай аймгийн Хөхморьт сумын харьяат аймгийн Алдарт уяач Хүүхэнхүүгийн Батсүхийн хүрэн халзан. Улсын бүсийн уралдааны нэг түрүү, аймаг, сумын чанартай уралдааны таван түрүү, таван айргийн амжилттай. Уяа сойлгыг өөрөө. Уралдаанч 10 настай Рэндоогийн Цээдорж.

17.Хөвсгөл аймгийн Тариалан сумын уугуул МУ-ын Манлай уяач Доржпүрэвийн Ганхуягийн хээр. Өөрийн унаган адуу. Улс, бүсийн чанартай уралдаанд дөрөв айрагдсан. Уяа сойлгыг Тод манлай уяач Гордоогийн Доржпүрэв. Уралдаанч 12 настай П.Халиунболд.

18.Баянхонгор аймгийн Баацагаан сумын харьяат Цэрэнбатын Саранбаатарын Мэл халзан. Аймгийн бүсийн уралдааны хоёр түрүү, зургаан айргийн амжилттай. Уяа сойлгыг Говь-Алтай аймгийн Чандмань  сумын харьяат Цагаанхүүгийн Өрнөх. Уралдаанч есөн настай Ганчимэгийн Нармандах.

19.Завхан аймгийн Алдархаан сумын уугуул Чинбатын Болд-Эрдэнийн зээрд. Уяа сойлгыг Баянхонгор аймгийн Бууцагаан сумын уугуул МУ-ын Алдарт уяач Галсангийн Болдбаатар. Уралдаанч 12 настай Ганбаярын Тэнгис.

20.Улаанбаатар хотын харьяат “Ариг” банкны захирал Шаравсамбуугийн Энхтөрийн хүрэн халзан. Тод манлай уяач Н.Даш-Өлзийн унаган адуу. Бүсийн уралдааны хоёр түрүүтэй. Уяа сойлгыг Завхан аймгийн Эрдэнэхайрхан сумын харьяат аймгийн Алдарт уяач Гунаажавын Нарангэрэл. Уралдаанч 11 настай Доржсүрэнгийн Бямбанаран.  

Мэдээллийг "Очирваанийн хүлэг" МСУХ-ны нарийн бичгийн дарга Г.Сэрээдорж, гэрэл зургийг П.Баатарзоригт