Ц.Дуламсүрэн бие даан нэр дэвшинэ

А.Тэлмэн
2012 оны 5-р сарын 27 -нд

Монгол бөхийн түүхэнд ах дүү гурван начин хэмээн онцгойрдог Цэвээнжав гуайн хэдэн хөвгүүд оролдсон уралдсандаа амжилт гаргадаг яггүй нөхдүүд. Ц.Дуламсүрэн нь барилдахаас гадна морь уяж МУ-ын Тод манлай уяач цолны эзэн болсныг монголчууд андахгүй биз. Төрийн наадамд азарга хоёроор нь оруулж, Их хурдад түрүүлгэж байсан тэрээр морь уяхаас гадна нийгэм улс төрийн сүрхий идэвхтэй нэгэн. Чухам тиймдээ өнгөрсөн  2008 оны НИТХ-ын сонгуульд Сонгинохайрхан дүүрэгт нэр дэвшин өрсөлдөж бас ч үгүй хөөрхөн санал зулгаасан дуулддаг. Тэр ч бүү хэл гал уяаны нөхөд нь эсрэг ажиллаагүй бол гарчих шахсан хэмээн ярьдаг юм билээ. Ийнхүү нийслэлд нэр нөлөөтэйгээ харуулсан тэрээр энэ удаа шат ахиулан УИХ-ын сонгуульд хүч үзэхээр шийджээ. Гэхдээ таамаглаж байсанчлан МАХН-аас биш, харин бие даан төрлөх Архангай нутагтаа нэр дэвшихээр шийдэж, анхны бие даагчаар тодорлоо. Уяачдын төлөөлөл УИХ-д ороод ирвэл уухайлахаас яахав.

А.Тэлмэн

 

3 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.