Тамирчны итгэлт нөхөр

А.Тэлмэн
2012 оны 5-р сарын 28 -нд
Шведэд бэлчиж байсан морьдын тухай мэдээ МЭӨ 2300 онтой холбогдоно. Гэвч ямар үүлдрийн, ямар үүсэл гаралтай адуу байсан талаарх баримт хомс. Эдүгээ мэдэгдэж буй Шведийн Халуун-цуст /мөн Шведийн эрлийз гэдэг/ морь нь 300 гаруй жилийн өмнө үүсч бий болсон байна. Дорнын /Барб, Араб гэх мэт/ болоод Андалуз, Франц азаргануудыг нутгийн гүүнүүдтэй эвцэлдүүлж гаргаж авсан эдгээр морьд нь цэргийн зорилготой байжээ. Хожмоо Thoroughbred, Тракенер, Хановер азаргануудтай нийлүүлжээ. 1894 онд тус үүлдрийн “Угшлын ном” бий болсон бөгөөд бүх азаргануудыг галбир, зан төрх, үйл хөдлөлөөр сайтар шалгасны үндсэн дээр угшлын номд багтаадаг болсон байна. Энэхүү нягт нарийн шалгаруулалтын ачаар эдүгээ үеийн дэлхийн хамгийн шилдэг спортын морины үүлдэр болох Шведийн Халуун-цуст морь бүхий болжээ. Хүчирхэг, зөв галбиртай, тэнцвэртэй, жигд алхаатай энэ морь саадтай харайлтын төрөлд гойд тохирдог. Зөвхөн энэ морьдоор “нөхрөө хийсэн” Шведийн олимпийн шигшээ баг оролцсон бүх төрөлдөө медаль хүртсэн юм.
Гол баримт:
Зүс: нэл өнгө
Өндөр: 145-160 см
Галбир: гоёмсог жижиг толгой, дунд зэргийн урттай хүзүү, хүчирхэг хөл, тэгш нуруу, бөөрөнхий толгой
Зан төрх: ухаалаг, дуулгавартай, мэдрэмтгий, сэргэлэн
Гол хэрэглээ: уралдаан, уналга
Угшил: Араб, Барб, Андалуз, Фриез үндсэн сүрэг, Thoroughbred, Трикенер, Хановер, Шведийн халуун цуст

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна