Шилдэг уяач Дашчийрав:Төрийн наадмаас анхны айргаа хүртлээ

Баяр хүргэе. Баярынхаа сэтгэгдэлээс манай уншигчтай хуваалцаач
Баярлалаа. Маш их баяртай байна. Төрийнхөө наадмаас анхныхаа айргаа авч байна. Сэтгэл үнэхээр өндөр байна. Энэ жил нар хур тэгширсэн сайхан наадам болж байна.
-Халзан морь Дүнжингаравын хурдад аман хүзүүнд хурдалсан байхаа?
-Тиймээ, их хойноос эргэж идсээр байгаад аман хүзүүнд хурдалсан.
-Халзан морины угшил гарвалыг сонирхвол?
-Хэнтийн гарвалтай. Дээд угшил нь сайн тодорхойгүй.
-“Ажнай шарга” галын уяачаар ажиллаад удаж байна уу?
-Миний хувьд өнгөрсөн өвлөөс бие дааж морь уяж байна. Хэдийгээр морь уяад удаагүй ч гэсэн төрийнхөө наадамд морь айрагдуулсандаа баяртай байна.
-Хүрэн халзан шадар сайдын нэртэй адуу байхаа?
-Тиймээ, М.Энхболдын адуу.
Ярилцсанд баярлалаа. Дараа дараагийн уралдаануудад чинь амжилт хүсье.

А.Энхжил